मेरी जान

... मेरी जान रै ।
लिये कहया मेरा मान रै ॥

1  दिन-रात मै तड़पे जा सू ।
तेरी खातर मै तरसे जा सू ॥
तेरे तै होग्या प्यार गोरी ।
मत करिए इंकार छोरी ॥
मेरी लिकड़ ज्यागी जान रै ....

2   साचे दिल तै प्यार करू , न टाइम पास मै करदा हू ।
तन -मान -धन -वचन और करम तै मै तेरे ऊपर मरदा हू ।
तेरे बिना मैंने चैन नहीं याद तनै हर साँस मै करदा हू ।
जै तू भी देदे साथ मेरा तो ना क्याहे तै डरदा हू ।
तेरे मिलण की अर्ज रोज ईश्वर तै भी करदा हू ॥
मेरी सुणेगा वो भगवान रै .....

3   साबत दिन मैंने चैन नहीं आखायाँ मै कट जा सै रात ।
आग बदन मै लाग ज्या सै जब होवै सै बरसात । सोचू तू धोरै होंदी तो कर लेंदा जी भरकै बात।
तू ना हो जब मान मसोस कै रहै ज्या सू ।
तेरी याद घंणी आव सै , मेरा काट कालजा खाव सै ।
जी चाहव सै हम होज्या दो जिस्म एक जान रै .....

4  तनै याद करदा करदा उठ लू सू याद करदा करदा सो ज्या सू ।
खालिए नहीं कई बार तो कम करदा करदा भी तेरे ख्याला मै खो ज्या सू ।
तू जब भी आव सै तनै देख कई ब्होत घणा खुश हो ज्या सू ।
इसा जी करै तेरी भाज कई भर लू कोली ।
ब्होत घंणी मनै प्यारी लागे तेरी सीरत सूरत सादी भोली ।
आंख बरस ज्या तनै देखण नै , कान तरस ज्या सुणन तेरी मिश्री तै मीठी जुबान रै ।
साची बात लिख दी मनै ना करा कोई झूठा बयान रै ...........................

                                                                                प्रेम